FYRSTI SKÓLADAGURINN!!!!

Já þá er maður lagstur á skólabekk og hófst kennsla í dag í leikskólanum við Háaleitisbraut. Fremur tíðindalítill dagur og allt fór friðsamlega fram enda ekki við öðru að búast. Það sem hvað mesta athygli vekur er að Sveinbjörn nokkur Gunnlaugsson hóf einnig nám í dag en hann ku vera fyrsti Húsvíkingurinn sem stundar nám á framhaldskólastigi og óskum við Húsvíkingum, fjölskyldu Sveinbjörns og öðrum vinum hans innilega til hamingju með þetta gæfuspor. Þetta gæti verið erfiður vetur fyrir Svenna þar sem hann á í mesta basli með að leysa hin einföldustu mál td. gengur hann í gúmmískóm þar sem Hjördís elskuleg móðir hans gafst upp á að kenna honum að reima skónna sína fyrr í sumar. Ég hjó eftir því að Björn Skúta Kolbeins er búinn að fatta síðuna þannig að þetta er allt á réttri leið. En við látum þetta nægja í bili héðan úr tækniheimum, góðar stundir.

Pistlahöfundar að skemmta sér

Við félagarnir og frændurnir Sigtryggur og Hjalti (einnig þekktir sem Pulli og Múri, Sjöfn og Bergþóra ásamt fleiri nöfnum) fögnuðum stofnun þessarar síðu um helgina þrátt fyrir að hún hafi ekki verið stofnuð fyrr en rúmlega 70 klukkutímum eftir djammið. Eins og sést á myndunum þá er ekki skrýtið að okkur var neitað um að vera með sjónvarpsþátt og urðum við því að notast við netmiðla.

 

 

 

 

 

 

 

 

 

 

 (Efri mynd: Frændurnir reyna að vera kúl með misjöfnum árangri. Sigtryggur minnir helst á hvítan Eþíópíubúa með hægðatregðu og Hjalti svipar til Grétars Mar fyrir magaminnkunaraðgerð.
Mynd til hægri: Eftir tvo góða sopa af heimabrugguðu tók gleðin völdin.
Neðri mynd: Sigtryggur bíður spenntur eftir kveðjukossi frá uppáhalds frænda sínum.

Halló góðan daginn

Já ótrulegt en satt þá hef ég ákveðið að nýta mér tæknina og byrja að blogga. Það verða örugglega byrjenda erfiðleikar svona fyrstu 18 árin svona eins og hjá pabba sem er enn að læra á sjónvarpsfjarstýringuna sem hann fékk uppúr 1990. Gestabloggari verður Hjalti í Vík frændi minn til 26 ára en ég á eftir að segja honum frá því. Hér ætla ég að tjá mig um mín helstu áhugamál og það sem mér brennur á hjarta hverju sinni td. Finnska fótboltann, vegaframkvæmdir á Kópaskeri, formúla 1 kappaksturinn, Birgir Mikaelsson, ræktun á Slóvenskum úlfhundum og tennisáhuga í Dalasýslu meðal annars. En látum þetta gott heita í bili enda var ég 24mínútur að pikka þessa alla þessa færslu .