.

18.9.2007 | 14:35

Gullkorn

Ég verð að henda inn einum pistli fyrir Ingólf Guðbrandsson stórvin norður í landi, en hann hefur kvartað mikið yfir pistlahöfundum síðunnar en nú skal gera úrbót á því. Siggi Jobba kemur fljótt upp í hugann þegar rita(Hvönn) á gullkornapistil. Einu sinni sem sjaldnar vorum við að ganga frá afla í lestinni á Tjaldinum og Siggi var spurður hvort hnífurinn væri tíndur. "Nei nei hann var í rúllunni og svo hvarf hann" Eitt skiptið var Siggi spurður hvort það hefðu verið 6 kör í trossunni. "Nei nei fimm og eitt". Siggi var eitt sinn að koma af klósettinu og Ingó var næstur inn á eftir honum og segir"Djöfulsins fýla er af þér kall" þá segir Siggi"Þú ættir að fara á klósettið eftir að þú ert búinn að vera þar" Næst víkur sögunni að Guðmundi frænda mínum á Felli sem átti það til að koma með skemmtileg innskot í umræðurnar um borð. "Ég á 2 kveikjara, annar virkar ekki og hinn er bilaður" Ingó segir Gumma að hann eigi afmæli á Gamlársdag."Núna á Gamlársdag, sagði Gummi þá. En þetta er nóg í bili, góðar stundir.

Tryggur

Flokkur: Bloggar | Facebook

Athugasemdir

Ekki má gleyma því þegar var verið að tjúna kokkinn í að hafa pizzu (í þessu tilfelli var undirritaður kokkur). Siggi Jobba heyrði umtalið um pizzuna og að sjálfsögðu ég. Það stóð allt í einu gusugangur út úr Jobbanum af frussi þegar hann sagði "PIZZA, það er ekki matur" Undirritaður ætlaði sjálfsögðu að hafa pizzu fyrir strákana en hugsaði með mér að best væri að hafa eitthvað með fyrir gömlu skápana. (sem litu ekki á pizzu sem mat) Ég sauð hangikét, kartöfflur og gerði uppstúf og setti á borðið. Þar sem Jobbinn lét matinn aldrei standa lengi á borðinu var hann mættur en hreyfði ekki hangiketið. Lét ég líða smá stund og setti þá pizzuna á borðið og, ja hvað haldið þið? Jú mikið rétt, Jobbinn át heilt kar af pizzu. Kveðja, undirritaður.

Kokkurinn. (IP-tala skráð) 18.9.2007 kl. 17:04