Myndagetraun fyrir krakkana!

Finndu fimm breytingar á þessum myndum? Ég veit þetta er erfitt enda fyrir 14 ára og eldri. Ef þið leitið vel þá finnið þið eina auka breytingu sem gefur ykkur bónusverðlaun. Þess má til gaman geta að á þessari mynd eru frá hægri: bróðir Árna, Árni frændi Bjössa, Bjössi frændi Árna og Eyrún systir Ágústs Inga. Þetta er nú frekar gömul mynd, sirka frá 2000.

Endilega reynið að spreyta ykkur. Góð verðlaun í boði! Í fyrstu verðlaun er "há fimma" frá Bjössa í stutta stoppinu hans hér á Ísland í lok vikunnar. Önnur verðlaun eru pylsa með hráefni að eigin vali á Bæjarins Beztu og verður pylsan framreidd af meistarkokknum Jóni Torfa. Og þriðju verðlaunin eru svo þrenn sprittkerti að eigin vali úr sprittkertasafni Hjalta.

Nr.1

Nr.2

Gangi ykkur vel!

 

Tvífarar dagsins

 

 

 

 

 

 

 

 

 

 

Philips Waffle Maker       og  Dreamcast tölvan mín

 

 

Hvað er um á seyði?

Er það bara ég eða hafa aðrir tekið eftir því að Bjartmar og Beta Rokk eru aldrei á sama stað á sama tíma?

 

Er þetta sama manneskjan? Eru þau kannski saman og skammast sín fyrir ást sína á almannafæri?

Hver veit? Hefur einhver séð þau saman og þetta mál leysist strax?

Þetta er spennó!

Endilega commentið!

NBA minningar 2. hluti

Eigum við ekki að halda áfram með þetta helvíti?!

MICHAEL ADAMS
Litla dýrið var þekkt fyrir ljótan skotstíl og fáránlega þriggja stiga hittni. Hann var alveg suddalega góður á köflum og var til dæmis með 26,5 stig og 10,5 stoðsendingar í leik tímabilið ´90-´91. Ég fann ekkert á netinu um hvað hann sé að gera í dag. Sennilega er hann að gera eitthvað töff.








ALEXANDER VOLKOV
Veit ekki hvað ég á að skrifa um þennan kall. Eitthvað fannst okkur Nonna hann vera kjánalegur man ég. Hann er gríðarlega vel girtur á þessari mynd og það virtust allir að mér fannst eiga þessa mynd. Var með 7 stig, 3 fráköst og 2 stoðsendingar yfir ferilinn. Er yfirmaður körfuknattleikssambands Úkraínu í dag. Hljómar vel. Rússkí Karamba!









ISIAH (JR) RIDER
Ræderinn varð fyrst þekktur hér á Fróni fyrir að sigra troðslukeppnina árið 1994, eða árið sem Helgi Reynir segir að tónlist og tíska hafi náð hápunkti. Kallinn var með 17 stig, 4 fráköst og 3 stoðsendingar að meðaltali yfir ferilinn sem er alveg ágætt. En það fylgdi manninum alltaf hvað hann var stórkostlega geðveikur og sakaskráin hans er lengri en typpið á Patrick Ewing, en samkvæmt áreiðanlegum heimildum frá Hjalta litla (sem fékk þær heimildir frá Gunnari Má og Ásmundi ef ég man rétt) þá var Ewing með stærsta typpið í deildinni. Hann hefur verið handtekinn fyrir að eiga eiturlyf, ólöglega byssueign, heimilisofbeldi og mannrán svo eitthvað sé nefnt. Þessi hlunkur með bilaða stökkkraftinn má eiga það að hann var alveg hrikalega skemmtilegur á að horfa.

GREG "CADILLAC" ANDERSON
Án efa með ófríðari mönnum í sögu NBA deildarinnar. Við erum að tala um Sam Cassell-ljótur maður. Var með 7 stig og 6 fráköst að meðaltali yfir ferilinn. Var svona ekta ruslakall. Tók þátt í einni frægustu troðslukeppni fyrr og síðar árið 1988 með stórkostlega slöppum árangri. Ég hefði getað staðið mig betur og það er ekki hægt að renna Stykkishólmspóstinum undir mig þegar ég hoppa. Hann fékk viðurnefnið Cadillac því hann hjólaði í skólann þegar hann var í háskóla. Af sömu ástæðu hefði verið hægt að kalla Sigtrygg "skóþvenginn" þegar hann labbaði í skólann í gamla daga. En þá hefði verið hægt að kalla alla því nafni enda ekki búið að finna upp á bílnum.


KEN NORMAN
Er það bara ég eða hugsa allir um bol sem Bergþór átti? Aldrei fattaði ég af hverju Beggi frændi fílaði þennan gæja svo mikið að hann lét þrykkja mynd af honum á bol. Beggi hélt með Spurs og maður spurði sig hvers vegna í fjandanum setti hann ekki mynd af besta manni Spurs á bolinn (í kringum 1994 var það Willie Anderson). Ken Norman var kallaður Snákurinn. Kannski var það þess vegna sem Beggi tengdist honum svo vel, enda Beggi kallaður Buxnasnákurinn. Norman var solid leikmaður með 14 stig, 6 fráköst og 2 stoðsendingar yfir ferilinn og átti það til að hrista sig þegar hann skoraði flotta körfu. Ég veit ekki hvað kallinn er að gera í dag. Eflaust í villunni sinni að drekka bjór með mynd af Bergþóri á bolnum sínum.

JOHN TAFT (ekki ætlað börnum)
Ég veit ekki hvort þetta sé Taftinn sem spilaði með Val hérna í gamla daga. Man nú ekki mikið hversu góður hann var en hann var þekktur fyrir svakalegan getnaðarlim. Sagan segir (vonandi fer ég með rétt mál, þeir sem vita réttu söguna endilega leiðréttið) að eftir leik gegn Snæfell þá fór kallinn í sturtu og Rúnar Guðjóns sá ryksugubarkann og hljóp inn í klefa og dásamaði stykkið. Nýþurrkaður Mölli mátti víst ekki missa af þessu og fór aftur í sturtu til að kíkja á þetta. Svo heyrði maður líka að gamlar kempur í Val tóku skónna fram að nýju og mættu á æfingar bara til þess að sjá dýrið í sturtunni eftir æfinguna. Ég spurði gamla Legendið Torfa Magg að því fyrir einhverjum árum hvort þetta væri satt en hann varð voðalega vandræðalegur og sagðist ekki kannast við það. Seinasta sem ég frétti af Taft var að hann var mikið að skora og frákasta með ungu kvennaliði Snæfells núna í vetur þar til hann/hún hætti.

NBA minningar 1. hluti

Ég var að horfa á NBA leik í fyrrinótt og var þá verið að tala um gamla "legendið" Charles Shackleford. Ég hafði ekki heyrt það nafn lengi og ef NBA-hóran ég hef ekki heyrt lengi af honum, hversu langt er síðan aðrir hafa heyrt af honum. Ég ákvað því að setja saman pistil með myndum og smá svona fróðleiksmolum og bulli um hina og þessa gömlu töffara.

CHARLES SHACKLEFORD
Er ekki við hæfi að byrja á manninum sem kom minningunum af stað. Þekktur fyrir fátt annað en að vera líkur Eddie Collins (sem spilaði með Snæfell í kringum 1995) og fallega hárgreiðslu. Gat svo sem ekki drullu. Með rúm 5 stig og tæp 5 fráköst að meðaltali yfir ferilinn.
Hans frægasta quote er: "I can shoot with my left hand, I can shoot with my right hand, I'm amphibious." Kallgreyið ætlaði eflaust að nota orðið ambidextrous sem þýðir jafnvígur á báðar hendur, því amphibious þýðir: Sem getur þrifist bæði á landi og í vatni.  Samt sem áður svalur gaur!


ORLANDO WOOLRIDGE
Fyrsti maðurinn til að troða í gegnum klofið í NBA troðslukeppni og það var á því herrans ári 1984. Akkúrat ári á undan Isiah Rider sem gerði það svo vinsælt á sínum tíma. http://www.youtube.com/watch?v=cNua1GJd7NA&feature=related
Var ágætis leikmaður. Var með 25 stig og 7 fráköst yfir tímabilið ´90-91. Var það góður að þegar amma hans Bjartmars vann í Hans Pedersen eða Kodak þá fékk ég hann til að láta hana stækka nba mynd af honum og á ég hana enn. Lenti í ólifnaði og var í kókaíninu eins og hitt fræga fólkið. Honum var nær að mæta ekki á stúkufundi hjá Árna Helga. Þekktur fyrir upphandleggsvöðva og stökkkraft eins og Múri sjálfur. Eftir NBA fór hann að þjálfa í WNBA við góðan orðstír, svipað og Hemmi Karvels í Brokey. Er núna að þjálfa í ABA deildinni.


GUNDARS VETRA
Lettaskítur sem spilaði eitt tímabil í NBA og fór þaðan til Rússlands. Gat ekki sjitt en sló í gegn fyrir að heita Gundars Vetra. Að minnsta kosti þótti það alveg fáránlega fyndið að hann væri næstum því nafni Gúnda á Bensó og væri með eftirnafnið Vetra. Já, það er sko gott að búa úti á landi.










LABRADFORD SMITH
Hver í andskotanum?! spyrja flestir. Jahhhh...allir nema foreldrar hans og nánustu vinir og einn aumingi að nafni Michael Jordan. Þessi gaur er með 6,7 stig að meðaltali yfir ferilinn og hæsta skor hans í leik var á móti Michael Jordan eða 37 stig (Jordan skoraði reyndar 47 stig í sama leik). Sýnir glögglega að Jordan var ofmetinn leikmaður.








KEVIN GAMBLE
Einn af uppáhalds leikmönnnum Sigtryggs. Maðurinn sem þeir kalla Spilafíkillinn (þeir= Sigtryggur). Var solid leikmaður sem gerði bara andskotann ekki neitt af sér utan vallar. Ekkert gaman að skrifa um svona kalla. Var óheppinn í framan en Pulli er eflaust ósammála því og ég ætti ekki að vera að kasta grjóti úr glerhúsi.






JON KONCAK
Var betur þekktur sem Jon Contract eftir að hafa fengið samning árið 1989 sem hljóðaði upp á 13 milljónir dollara fyrir 6 ár, sem þýddi að hann var launahærri en Magic Johnson, Michael Jordan og Larry Bird. Eitthvað breyttist það nú stuttu seinna. Gat aldrei neitt þessi andskoti. En hann getur þó þakkað fyrir það að hafa verið í einhverjum flottustu NBA búningum fyrr og síðar (sjá mynd).

Sögur af hafinu.

Vist að eg bloggaði i gær þa er eins gott að halda dampi og henda einni skemmtisögu af sjonum inna veraldarvefinn. Þannig er mal með vexti að Jon broðir minn(söngvari Virkra Lima) var eitt sinn styrimaður á Þórsnesi SH og var skipið á netum fyrir sunnan land og landað var í Sandgerði. Meðal skipverja var Jón nokkur Beck. Dag einn þegar búið var að landa, settust menn inní borðsal og horfðu saman á sjónvarpið. Í varpinu var þáttur með Jóni Ólafssyni sem bar nafnið Af fingrum fram, þar sem þáttarstjórnandi fékk tilsín þekkta tónlistarmenn. Einhver spyr Beckinn hver sé hjá Joni í viðtali, og svara Jón því að Gestur Jóns sé hjá honum i kvöld. Þá fóru menn nú að hugsa um það hvur Gestur Jóns sé. En fyrir þá se eru ekki búnir að kveikja, þá stóð á skjánum , gestur jóns er td Stebbi Hilmars. Svona getur nú sjómannslífið verið skondið og allskonar misskilningur orðið til.

Ylhýrar

Trigger

Skemmtisaga dagsins.

Jæja , þá er komin tími á grafalvarlega færslu þegar loksins allt er komið til helvítis, en ekki er allt slæmt í helvíti, vil ég meina. Aldrei þessu vant þá missti ég af þessu partýi en þarf samt sem áður að taka út þynnkuna ef ég ætla mér að búa á þessu landi áfram, tók samt bílalán í erlendri mynt sem er orðið það hátt að ég kann ekki að pikka það á lyklaborðið, en ég a engan flatskjá en á samt Bekó 96 árgerð sem er fallið úr ábyrgð þannig að ég ber ábyrgð á því. En nú kunna margir að spyrja sig, hvað er Sigtryggur að reyna að vera alvarlegur, það er ekki hann ,þannig að ég hætti því og vind mér í léttara hjal(ti).  Árið 1996-97 þegar ég ungur og upprennandi togarasjómaður á aflaskipinu Hamra-Svanur SH201, var ónefndur dúkarasonur einnig skipverji þar, og þessi ónefndi Elvar rörlti sér eitt sinn upp í brú og tjáði skipstjóra skipsins að hann þyrfti nauðsynlega frí í næsta túr vegna fermingar hjá systur sinni sem hann vildi ógjarna missa af. Skipstjóra skipsins fannst það algjörlega sjálfsagt að téður skipverji fengi nú að fara i fermingu systur hennar og veitti fríið. Svo líður á túrinn og skipverjinn skottast upp í brú og bar sig frekar skömmustulega , þegar hann segir loks við skipstjóra að hann þurfi ekki frí þar sem systir hans hafi fermst í fyrra. Svona getur sjómennskan nú verið fjölbreytt og skemmtileg. Þetta var nú bara útúrdúr og einungis ætlað til skemmtunar á þessum erfiðu tímum.

en þangað til næst, góðar stundir.

Trigger

Topp 11 ástæður af hverju Bjössi og Hjalti eru svo frábærir!

Eini gallinn við myndbandið er sá að það er erfitt að lesa hvað stendur við sumar myndirnar. En vonandi hafið þið gaman af sem nennið að horfa á þessa vitleysu.

Önnur myndagetraun

Já, myndagetraunin hans Bjössa er enn í gangi hér fyrir neðan en er greinilega allt of erfið. En hér er önnur sem er vonandi auðveldari, en það er nú alls ekki svo víst.

 

SPURNINGIN ER: ER ÞETTA ÁSMUNDUR SIGURJÓN GUÐMUNDSSON

EÐA HEMMI GUNN ?

 

Myndagetraun ala Bjössi Kolla

Hvað er athugavert við þessa mynd/blaðagrein?